9

یوم دفاع بہادر سپوتوں کی عظیم قربانیوں کی یاد دلاتا ہے، سربراہ پاک فضائیہ

قوم مادر وطن کی خاطرجانیں نچھاور کرنے والوں کو سلام اور خراج تحسین پیش کرتی ہے،ایئر چیف مارشل۔
اسلام آباد: ایئر چیف مارشل سہیل امان کا کہنا ہے کہ کہ یوم دفاع بہادر سپوتوں کی عظیم قربانیوں کی یاد دلاتا ہے جب کہ جوانوں نے مثالی حوصلے اور پیشہ ورانہ مہارت کے ساتھ جارحیت کا منہ توڑ جواب دیا۔
یوم دفاع پاکستان پر اپنے پیغام میں ایئر چیف مارشل سہیل امان کا کہنا تھا کہ یوم دفاع بہادر سپوتوں کی عظیم قربانیوں کی یاد دلاتا ہے، جوانوں نے مثالی حوصلے اور پیشہ ورانہ مہارت کے ساتھ جارحیت کا منہ توڑ جواب دیا جب کہ قوم مادر وطن کی خاطرجانیں نچھاور کرنے والوں کو سلام اور خراج تحسین پیش کرتی ہے۔
اس خبر کو بھی پڑھیں : یوم دفاع وطن کیلیے قربانی کے جذبے کو تازہ کرتا ہے
ائیر چیف مارشل نے کہا کہ غیر معمولی مشکلات اسی جذبہ قومیت کے احیا کے متقاضی ہیں کہ سب یک جان ہو کر ان حالات کا مردانہ وار مقابلہ کریں گے۔ ان کا کہنا تھا کہ سب عہد مصمم کریں کہ ملک کی تعمیر و ترقی میں کوئی کسر نہیں چھوڑیں گے جب کہ پاک فضائیہ نے فضائی سر حدوں کے دفاع کے لیے بیش بہا قربانیاں دیں ہیں۔

اس خبر پر اپنی رائے کا اظہار کریں

اپنا تبصرہ بھیجیں