1

سعودی عرب میں سیکیورٹی فورس کے آپریشن کے دوران 3 دہشت گرد ہلاک

ریاض: سیکیورٹی فورسز کے اہلکار صوبہ قطیف میں ملزمان کی موجودگی کی اطلاع پر گرفتاری کے لیے پہنچے تھے۔ ملزمان نے گرفتاری دینے سے انکار کرتے ہوئے سیکیورٹی فورسز کی گاڑی پر فائرنگ کردی۔ 3 اہلکاروں کے زخمی ہونے کی بھی اطلاع ہے۔
عرب میڈیا کے مطابق سعودی عرب کے صوبے قطیف میں سیکیورٹی فورسز نے خفیہ معلومات کی بنیاد پر سرچ آپریشن کا آغاز کیا جس کے دوران دہشت گردوں نے فائرنگ کردی۔ سیکیورٹی فورسز کی جوابی کارروائی میں 3 دہشت گرد ہلاک ہوگئے۔
ہلاک ہونے والوں کی شناخت محمد حسن احمد الزائد، مفید حمزہ علی الوان اور خلیل ابراہیم حسن المسلم کے ناموں سے ہوئی ہے۔ تینوں سعودی شہری ہیں اور دہشت گردی کی مختلف کارروائیوں میں قانون نافذ کرنے والے اداروں کو مطلوب تھے۔
واضح رہے کہ قطیف میں سیکیورٹی فورسز کا سرچ آپریشن دہشت گردوں کے خلاف حتمی کارروائی کے فیصلے کے تحت کیا گیا۔ قانون نافذ کرنے والے اداروں نے دہشت گردوں کی جھڑپ کے دوران ہلاکت کو بڑی کامیابی قرار دیا ہے۔

اس خبر پر اپنی رائے کا اظہار کریں

اپنا تبصرہ بھیجیں